Google ADS

Vendimi i qeverisë për masat e emergjencës i procedohen kuvendit për seancën e radhës

23:25 | 24 Dhjetor 2021
F.T

Kryetari i Komisionit për Ekonomi, Industri, Ndërmarrësi dhe Tregti, Ferat Shala, ka bërë të ditur se në takimin e mbajtur sot, u procedua për në seancën e radhës të Kuvendit të Kosovës propozim vendimi i qeverisë për masat e emergjencës në lidhje me situatën energjetike në vend.

Shala tha se më në fund, qeveria ka filluar të reflektoj, dhe sipas tij, po orvatet që të kthejë ligjshmërinë e veprimeve të saj në relacion me krizën energjetike të vendit.

“Fatkeqësisht, të gjitha vendimet, transaksionet dhe importet në këtë periudhë krize, janë kryer në mënyrë të paligjshme”, ka shkruar Shala në llogarinë e tij në Facebook.

Më tej, ai tha se qeveria mori vendim që të shpallet gjendja e jashtëzakonshme dhe emergjente me legjislacionin në fuqi, pas ngritjes së shqetësimeve dhe propozimeve të tyre.

“Kjo dëshmon atë që ne e kemi ngritur si çështje dhe shqetësim, për paaftësinë e Qeverisë që të përballet me sfidat”, ka thënë Shala. /arbresh.info

Shpërndaje në rrjete sociale

Lajmet më të lexuara

Të ngjashme

Foto lajm